Ғылым онкүндігінің салтанатты жабылу рәсімінде «Техникалық физика және жылуэнергетика» кафедрасының «Теплофизик» студенттік ғылыми үйірмесі үздік үйірме деп танылды. Бұл жетістік студенттердің белсенді ғылыми қызметінің, бастамашылдығының және университеттің ғылыми-зерттеу ортасын дамытуға қосқан үлесінің жоғары бағасы болып табылады. Үйірме жетекшісі – Мясоедова Екатерина Николаевна.

Сонымен қатар, жоғары жетістіктерге қол жеткізген талантты студенттерімізді құттықтаймыз:

• 7М05302 – «Техникалық физика» білім беру бағдарламасының магистранты, МТФ-2401 тобының студенті Жақия Риза RESEARCH SHOWCASE «ЗЕРТТЕУЛЕР КӨРМЕСІ – 2026» байқауында ғылыми зерттеу нәтижелерін жоғары деңгейде таныстырып, 3-орын иеленді.
• 6В05303 – «Техникалық физика» білім беру бағдарламасының ТФ-202 тобының студенті Закен Мейрам «INNO-2026» студенттік ғылыми конференциясында жеңімпаз атанып, өзінің жоғары дайындық деңгейі мен ғылыми әлеуетін көрсетті.

Аталған жетістіктер жастар арасында ғылымды дамытудың маңыздылығын айқындайды және заманауи энергетика мен техникалық физика салаларындағы өзекті мәселелерді шешуге қабілетті білікті мамандарды қалыптастыруға ықпал етеді. Сонымен қатар, бұл нәтижелер БҰҰ-ның Тұрақты даму мақсаттарына, атап айтқанда 4-мақсат «Сапалы білім» және 9-мақсат «Индустрияландыру, инновациялар және инфрақұрылым» бағыттарына сәйкес келеді.

Сіздердің жетістіктеріңізді мақтан тұтамыз және алдағы уақытта жаңа ғылыми табыстар, тың идеялар мен үлкен жаңалықтар тілейміз!